校園生活之禮物篇

通常聖誕節，復活節及學期尾mamma們都會夾錢送禮物畀老師
班主任𠴱份當然大啲
助教及其他科目嘅老師都有份㗎
通常每人出€10 一班有三十個學生
毛毛嗰班就每人€20
雖然話係自願性質
但老師收到張咭一睇啲學生名
就一目了然
舊年毛毛個班有幾個mamme唔滿意我哋班嘅家長代表揀嘅禮物
話太cheap所以提議加多啲錢送份更加大嘅禮物畀班主任
肯唔肯加都係自願性質
個班主任收到份禮物喊咗出嚟
後來仲寫埋信加一首詩多謝我哋
令到我哋都好感動呀

去年保保嗰班嘅"禮物基金"因為買完老師們嘅禮物仲有些少錢淨
家長代表打算買小小嘢送畀學生
例如文具玩具食物之類
某啲Mamme太注重健康
為咗送乜嘢聖誕節禮物畀我哋班嘅小朋友而傷腦筋
仲提出咗一啲我認為多餘嘅意見
有人話送Kinder朱古力唔好揀Kinder cereali及另外一隻我唔記得係乜
因為有Palm oil 成份
除非揀dark chocolate 好似係要60 or 70 %嗰種
終於有人出聲
叫我哋班mamme唔洗咁緊張
聖誕節食一粒唔會有事
復活節係咪唔準食復活蛋呀？
如果因為有Palm oil而唔食
做阿媽嘅就乜都唔可以畀啲子女食喇
因為肉類又有hormone生果蔬菜又有pesticide
出街食咗都唔知啦

由九月開學到而家收過好多同學仔生日會邀請
高峰期兩個星期內有三個派對
吃不消呀
冇可能次次都出席
但唔去嘅話下次你請人人哋又未必會嚟
去唔到都可以一樣夾錢送大禮
公價收開€10一位
一班有30個學生
而每次必定全班同學都要請
同學仔嘅兄弟姊妹都係歡迎join
所以每收一張invitation就唔見10歐
我冇次次畀但如果有家長出聲volunteer 去收錢及買禮物
好多時個個都會一齊夾錢
唔知點解今年的party越攪越大型
K1嗰陣都係去開啲波波池滑梯clubhouse類型嘅場地
加個animator吹下波波變下魔術face painting等嘅玩意
依家k2嘅同學仔已經係去到舉行婚禮呀攪event嘅地方開p
不過又真係好靚
小朋友玩得超開心大人個個都贊口不絕

有時去得呢D生日會多都怕自己嘅仔會想跟風