小毛毛語錄（二）

有一日毛毛發脾氣佢話

"我要換mamma,唔想見到你個様，你可唔可以換咗個頭？"
（佢D玩具可以換頭同身體)

有一次我叫佢同保保一齊玩，佢話

"我唔要細佬，我要哥哥，畀個哥哥我！"

最好笑係：

琴日毛毛嘅cousin嚟探我哋

佢得6歳半

我問佢覺得Alessio 似邊個？似毛毛？保保？定係...

我未講完佢好快就答我

"佢似dinosauro preistorico " (prehistoric dinosaur)

哈哈哈

係喎真係幾有想像力

其實佢講得啱

Alessio 一出世就好多頭髮仲要係超級長

同佢吹完頭D頭髮"樹"起

Punk 到成隻恐龍咁

人生如戲

去年六月收到一個壞消息
Papà 嘅表嫂突然離世
有一晚表哥出去買pizza take away
佢太太沖完涼坐咗喺梳化休息
表哥返到屋企見張飯枱仲未set 好
覺得奇怪就問佢仔仔點解mamma冇set 枱
仔仔話 mamma 喺梳化度瞓着咗
(佢哋屋企好大所以冇即時見到佢太太）
表嫂再冇醒過來...
雖然我只係同表嫂見過一兩次面
但聽到一個咁突然嘅消息
太震撼
眼淚流

出殯當日好多人出席包括佢哋仔仔嘅同學
細女無出現因為佢只得六歳
哥哥嘅年紀都好細佢讀緊初中
而佢哋嘅媽咪只係四十出頭
聽papà 嘅舅母講表哥一家好注重健康
而且飲食方面佢哋多數都買有機食物
表嫂過身前身體狀況並無任何異樣

死因係...

其實我唔肯定正確原因係乜
因為我嘅意大利文好差所以聽唔明醫學名稱
不過就聽到有個血字同惱字
可能係惱血管栓塞

我以前未去過喪禮今次係第一次
我嘗試叫自己忍住唔好喊
但大家嘅心情都好沉重
眼淚係可以傳染
教堂內大部份嘅人都控制唔到自己
特別係當我望見坐第一行嘅仔仔
佢一滴眼淚都冇流過
面部毫無表情
我就更加難過

唔代表佢唔傷心
可能一時間佢表達唔到佢嘅感受
或者只係收埋
唔知點解每當我見到佢目無表情嘅樣
我就有一種解釋唔到嘅感覺
再望下佢爸爸
眼淚又不禁流下
然後我又諗做大人嘅應該點樣同小朋友解釋死亡

舊年聖誕見番佢哋再兄妹及父親
因為我唔清楚妹妹知唔知道佢媽咪嘅事
所以我唔敢同佢傾太多計
一來佢同我唔熟
二來我怕一時講出敏感字眼
原來佢好健談就好似一般嘅小女孩一様
佢問我哋幾多歳佢話佢mamma 45 歲
後來我問99 其實妹妹知唔知道真相
原來佢嘅家人有同佢講過

喪禮過後大約兩星期
有個好消息
Papà 嘅妹妹終於懷孕

再過多兩三個星期
倫到我發現自己有咗
我叫papà 打電話聯絡幫我頭兩胎開刀嘅醫生
因為我對佢有信心想揾返佢
Papà 話醫生嘅手機無人聽
後來打去診所但電話號碼不存在
上網Google 原來醫生已經喺一個月前逝世
當時我搭緊地鐵返工喺電話度聽到papà 話" e' morto"
我嚇咗一跳 morto ? Dead? Really?
Papà 叫我上網睇

好傷心
話曬我頭兩胎都係佢接生
而且生完第二胎留院每日佢會嚟探我哋兩次
我同佢講笑問佢係咪又嚟醫院幫人開刀？
點解會咁問？
因為生保保嗰日原本我要早上八點半到醫院

我哋出門已經遲咗點知路上遇上塞車block路有兩宗交通意外
我哋成十點先到
做手術時不時聽到有人哎快D快D十二點有人book咗
我望下個鐘嗰陣已經十一點幾...
啊原來呢位醫生一次過張我同佢另外一個patient book埋同一曰做c - section
佢答No 佢啱啱喺附近做完一個boob job 喎！
嘩佢真係周身刀撈咁多瓣
醫生只係六十多歲
對上一次見佢係保保出世後一個月做檢查
佢嘅心情有D down
同我哋講佢等緊個body check report
身體有D事唔係咁樂觀
不過我哋無問佢太多details

所以一聽到Papa 話醫生已經走咗我哋要揾第二個
我忍唔住流眼淚

唔好意思今次寫咗一D可能影響大家心情嘅嘢
下一篇會係輕鬆D

Weekend@Norcia 火腿產地

因為papà 要去Norcia 踢波，我哋跟埋一齊去

離羅馬兩小時車程，原來Norcia 喺Perugia 附近

雖然以前喺Perugia 讀過書，但無聽過呢個地方

通常最多人識嘅Umbria 景點都係Assisi, Spoleto, Perugia等等

旅遊書亦無提過只係上網睇先知道Norcia 係火腿產地，亦出名松露

好大個黑松露 唔知係咪假

呢種salami 叫palle del nonno "grandpa's balls"

呢一區有唔少芝士廠，朱古力廠同火腿廠

我哋趁佢哋7點關門前入去買手信

我哋離開Norcia 返羅馬嗰陣見到有一間松露museum

掛豬頭賣豬肉

見唔見到有個牌寫住"coglioni di mulo"？直接解"donkey's testicles"

成份就梗係只係豬肉中間有一大塊肥豬油，同個名稱無任何關係㗎！其實coglioni 呢個字呢可以指idiot，生氣時用，用嚟鬧人啦 意國人成日講粗口嘛

我入到去呢間火腿廠見到個牌笑咗出嚟，可能意國人嘅sense of humour 未必個個受,原來英國嘅Tesco 舊年出過一種叮叮意粉,因為盒上面用咗一幅類似上面嘅相，即係影咗一堆salami 旁邊有個牌寫住"阿爺的乜乜" "驢仔的乜乜", 顧客投訴不雅，最後個包裝改用一幅一碟bolognese
 意粉嘅相

Norcia 好細成街都會見到門口放咗假豬或野豬標本嘅鋪頭

好明顯係賣火腿嘅地方

大街入面嘅San Benedetto 教堂

乜嘢嚟㗎？原來以前係for動物飲水

我哋全部人即papà嘅球隊同埋其他嘅球隊都係喺呢間餐廳食午餐及晚餐

入面原來好大有四，五個廳

每餐都係有兩種pasta, 兩種肉類，一份伴菜，甜品或生果，水，紅白酒

份量仲好大連小朋友都係比大大碟

另叫黑松露risotto 要加€8 食完我覺得麻麻

無乜味連毛毛都肯食即係佢聞唔到黑松露味，平時去餐廳如果有人食佢一聞到就話好smelly 

爸爸嗰隊星期六嗰場贏咗，星期日嘅final 都贏埋

"水貨"版埃瘋5S

真係有水喺入面㗎

唔知99响邊度買

有日家庭聚會我見有幾個大人不停㩒部電話

睇清楚先知道原來係假嘢

玩法容易但要入曬所有圈圈就有D難度

尤其係得番最後一個圈嘅時候

就好考你嘅耐性

2014復活節

每逢節日小朋友嘅學校都會有小手作做完帶返屋企

今年嘅復活節保保帶咗一個colomba 返嚟

毛毛就做咗一個bell 佢只係油顏色
本來外表包裝得好靚
底部仲有幾粒復活蛋
不過兩兄弟一返到屋企就急不及待打開食咗

呢度係圖書館

小朋友嘅書可以喺呢個房搵到
我都係第一次嚟
我連自己最後一次入圖書館係幾時都記唔起

今日有一個復活節活動
去年都有活動攪不過只有99帶毛毛保保嚟因為我返咗工
今次我想嚟見識下

今日有復活節故仔聽

之後有勞作
就係整羊仔
仲有復活蛋派

有人攞咗隻羊返嚟

羅馬人嘅傳統會响復活節食羊肉
相中呢隻羊唔係用嚟食
只係放佢喺度比D小朋友睇
暫時就係咁第日唔知有乜安排

我兩個仔年年都收到成十隻大復活蛋
我都有回禮㗎
都係D家人親戚送所以我唔會特登走去買成€10 一隻嘅蛋
佢哋見到一隻就想開一隻為咗𥚃面嘅玩具
我會收埋慢慢拎出嚟，送比人又好，開咗食唔完就溶咗佢整甜品

今日一早打開窗咁濛嘅

不過之後就出太陽
但lunch 過後就落雨

6299今早7：30就去教堂攞咗枝聖水返嚟

飯前prayer 完就叫咗毛毛去灑聖水

呢個包係連埋生雞蛋一齊焗係一個親戚嘅鄰居整

阿堂細佬今日又整pretzel

食得好飽呀

失敗版斑馬紋芝士蛋糕

見到有人整zebra cake

覺得應該會好好玩

於是我又玩埋一份

其實zebra cake係 marble cake嘅親戚

都係用嗰D材料

只係zebra cake 嘅製作過程比較需要專心同practice

我連雲石蛋糕咁大個人都只係整過一次

感覺上係好睇多過好食

今次見到zebra cake 覺得非常吸引

竟然斗膽揀咗個cheesecake 版本嚟試

自己攞嚟衰

應該揀個普通嘅嚟試下先

因為要D紋做得靚係需要練習

我今次跟嘅recipe 要用hot water bath

因為recipe 冇講用咩size cake tin

我見整好嘅mixture 份量好多

所以用咗個大嘅 springform 嗰種tin

因為屋企冇乜用具可以揀連chiffon 模都冇呀

又因為個springform tin太大張錫紙唔能夠完全包得好

包咗三層但D水最後都係入咗去

個蛋糕既下半部份唔食得

浪費了六隻蛋

大家有興趣可以上YouTube 睇下做法

產後第一撻+檸檬迷迭香蝴蝶酥

有日見到一個blueberry tart recipe, 見佢好吸引，自己又做一個

力力滿月我整咗個apple tart 同埋raspberry cheesecake cupcakes

呢排愛上用現成pastry 做嘅甜品
因為快嘛又唔需要洗咁多

前幾日無意中見到一個蝴蝶酥recipe

中學家政做過一次就無再整過

今次嘅蝴蝶酥係用新鮮rosemary 加檸檬皮做

我一睇ingredients 覺得好有新鮮感


無諗過用rosemary 做甜品

檸檬加rosemary 煮西餐就常用

做甜品會點㗎？

即刻試下先橫掂我哋有自家檸檬同埋rosemary

隨時都可以整

只需要酥皮兩面加D糖

上面灑lemon zest + 少許rosemary 碎

捲好後用保鮮紙包好放入雪櫃一個小時

我用嘅長方型puff pastry 切咗22塊

原來lemon and rosemary加咗糖嘅組合係出奇地好味！

我只係貪玩唔敢食咁多

尤其係奶類嘅食物

因為力力出咗好多粒粒而佢係人奶bb

我懷疑佢同兩個哥哥都係對dairy 食品敏感