難以相信力力已經一歲
似女仔多D喎
佢有玩具唔玩
偏偏要將唔係玩具嘅嘢攞嚟玩
就算係玩具車佢都唔show for佢年齡嗰種類型
即係設計上比較安全但外型就笨笨哋好簡單那種
佢硬要搶哥哥嗰D好唔安全嘅車車
即細細部個車碌及其他small parts 玩兩玩就跌出嚟嗰隻
扮睇書學哥哥
地上面隻啡色bear係佢哋papà 以前嘅玩具
我99 連口水肩 都keep埋
比較近期嘅相
個樣冇乜點變
由出世至七個月大
原來打算做個bear bear朱古力蛋糕
但焗出來效果唔滿意
試做第二次都係唔掂
嘥曬啲蛋同可可粉
我整咗兩個Barbie 蛋糕畀力力嘅cousin 1歳生日
無理由唔整啲嘢畀自己個仔掛？
好耐之前買咗set 字母印
今次可以出場
唔夠時間同材料去整蛋糕
橫掂papa已經訂咗一個
帶去餐廳食
啲餅我特登包裝好打算拎去餐廳
送畀親戚
點知我怕保保偷食
（佢已經食咗10幾塊星星形餅仔）
所以放咗喺比較高嘅地方
收得太埋
連自己都忘記攞番出嚟
生完三個仔年紀又大咗
記性差咗
（連意文都冇進步到因為好耐冇返工）
整完餅收拾完幫佢哋換埋衫
餵飽力力
先到我換衫加化少少粧
唉仲落大雨
抱住力力加兩袋嘢落樓梯
Ok終於上咗車啲衫都濕曬
冇手擔遮嘛
呢一刻先發覺唔記得攞埋啲餅
算啦我都費事同papa講
因為我唔會自己返上去攞
佢更加唔會囉
加上我哋已經遲咗出門
仲要去pick up 個蛋糕
唯有怪自己啦
呢間餐廳舊年開業
通常呢啲中曰式all you can eat 都係中國人開㗎啦
搭親地鐵個電視賣嘅餐廳廣告
全部都係呢類型嘅buffet餐廳
個名來來去去都好中國或日本feel
我一次都未去過
今次揀咗去呢間
名叫La Dogana
海關的意思
其實係老爺介紹的
因為人哋帶佢去過
個個（意大利人）都話正喎
入到去先知嗰度超大
因為前身係一個魚巿場
樓低好高所以聞唔到一般唐人餐館嘅油煙味
𥚃面嘅裝修帶點中國風但又懶係modern
應該唔係中國人嘅設計
食物除咗中日料理意大利菜都有
仲有巴西
佢哋好聰明唔擺鮮蠔嚟
因為有專人捧住一碟蠔每枱問客人要幾多隻
咁咪唔洗畀人搶曬
而且周圍都見到中文同意文嘅溫卿提示
叫人唔好浪費食物
食唔完嘅食物可以take way 但會有收費
€5-€20 視附份量
意大利人食buffet 太斯文
完全唔會抱住畀咗錢嘅心態搶住食
所以一直覺得意國人去食buffet唔抵
呢種all you can eat 餐廳愈開愈多
有得賺
99同佢阿妹食好少嘢
以我嘅觀察
當晚意大利人食得最多嘅係點心除咗即揀即grill 嘅海鮮之外
個個都望住我個私家鍋
冇人知道我食緊乜
覺得呢個火鍋好神秘
因為佢哋未見過
Papà 訂嘅蛋糕
我哋對呢間餐廳好滿意
夠乾淨服務好
最緊要係冇油煙味
下次可以再去
終於整到一個朱古力蛋糕出嚟
雖然力力嘅生日已經過咗
