童言無忌

八月初我哋去咗法國南部渡假，我哋每日晚飯後都會帶兩個小朋友去公園玩。有一次有一個法國黑人小朋友走向毛毛附近，毛毛就用意文問呢位小朋友"你點解會燒燶咗㗎？"好彩個小朋友唔識聽啫，我同papa都忍唔住笑咗出嚟。我同毛毛講個小朋友唔係燒燶而係佢嘅皮膚比較深色。

毛毛開咗學兩個幾禮拜已經學識咗幾個粗口字。佢當然唔係第一次聽到呢D字啦，好多意大利人都講粗口，不論男女三到八十歲。毛毛學校個俢女話佢嗰班有個男仔成日不停講粗口，唔怪得毛毛學得咁快。