斑馬紋三文治

斑馬紋三文治
有日去飲加啡（其實最主要目的係要用洗手間）
見到呢份用黑白色方包做嘅蝦仁三文治

以前未見過

只係見過同食過相中右邊橙色加白色嘅方包

唔知黑白色係乜味？黑墨魚汁？不過應該食唔出乜味道都係色素多D

意大利嘅三文治來來去去都係嗰幾種口味

幾時先會引進一D外國嘅三文治加沙律吧可以自己揀邊種包，要唔要搽牛油，好似Subway咁

依家開得最多嘅咪又係中國人主理嘅中日式buffet 餐廳

又係墨魚餅

又係墨魚餅

平安夜做咗三十塊

因為有過第一次嘅經驗

所以今次再買多兩條大D嘅墨魚

點知四條墨魚攪成蓉後嘅份量都係好似做唔到三十塊

唯有將freezer嘅一盒Tiger prawns解凍

好唔想將成盒大蝦咁用法

盒蝦本來係打算留番整蒜蓉蒸蝦

好浪費但無辦法

意大利人12月24日唔食肉類所以唔加得豬肉

下次唔整因為自己做墨魚餅似乎唔合乎經濟效益

不過開心嘅係一出場好快就食晒

原本D墨魚餅係放咗喺99送嘅綠色cake stand

點知我未坐低諗住影返幅相D墨魚餅已經...

好彩有人留咗一件比我

好有心

我同papà 嘅結婚周年

99做咗一個蛋糕比我哋

意大利人如果記得你嘅結婚周年會同你講聲恭喜

但我冇諗過別人會喺呢個日子送甜品比我哋

第一次見99用焦糖絲做裝飾， 佢用蜘蛛綱嚟形容D焦糖，成個蛋糕即時高級咗

超級大個蛋糕

睇落以為係sponge cake

食落先知道原來係pandoro即係意式聖誕蛋糕但冇fruits 嗰隻

（咁就可以消㓕咗個pandoro)

分咗一D比6299同papà 個妹因為個蛋糕實在太大，而且papà 去咗米蘭，99話係咩佢唔知道佢個仔聽日先返屋企

兩個細嘅唔肯食，我唯有切咗一D留番比papà 聽日食

我自己食咗好多

之後就出事不停出入洗手間

我以為食得太多士多啤梨

點知到papà 食完之後同我一樣囉


99已經將D strawberries 用梳打粉開水soak 過，custsrd係佢煮嘅，蛋糕又冇咁快過期


我都仲有一個Pandoro喺盒未開

或者可以用嚟做bread pudding 

我見有人將整個pandoro切幾層再arrange 到成個聖誕樹蛋糕咁

加D cream 同Baci 朱古力做裝飾

不過聖誕都過咗啦

BB肚兜

唔知點譯好？或者可以用BB肚兜嚟型容啩
意文叫camicia della fortuna解lucky shirt
如果叫福衣又唔啱，因為福衣係指用嚟燒嗰D。
唔知係咪淨係意大利人先有呢個傳統？
呢件衫仔係初生BB嘅第一件內衣，一出世就着，一來有帶來好運嘅意思，二來係因為呢種內衣多數係絲質或全綿，所以有保護初生bb皮膚嘅功能，但係著上去舒唔舒服我就唔知道。

背面係打開只得兩條絲帶

醫院"走佬袋"嘅清單上都會見到呢個item 。好多時親戚朋友都會送呢種衫仔比待產嘅mamma。話明係lucky shirt, 除咗白色米色粉紅藍色，當然可以搵到成件紅色嘅。

Miami 2013 （上）

2014仲係寫緊2013 二月嘅遊記

Miami 係我哋去Dominican Republic 轉機嘅地方。唔知係咪時間唔夠，好似去完Miami 都唔覺睇咗D乜嘢，呢個trip真係走馬看花，臨走前我仲病埋, 返羅馬程機辛苦到庳,因為感冒同氣壓關係，耳仔痛，成10個鐘抱住保保手都麻庳，一返到屋企立即瞓上牀，叫奶奶睇住兩個小朋友，辛苦程度無法形容，我不停咳，唔想食任何嘢，想嘔又嘔唔出，papà 仲勁佢返到屋企一陣後就即刻返工。醫生話係氣管炎不過好似個肺有D嘢去照下穩陣D，點知照完x ray 又話我唔洗擔心因為報告ok, 但食完藥都係咳，之後仲咳到連D骨同肌肉都痛埋，唯有請幾日病假。

喺Miami 嘅時間唔多，第一日到已經係夜晚。我問papa喺張custom form到有冇填我哋有baby food? 佢話唔洗申報啦係人見到baby food 都會比我哋過。依家冇話唔帶得baby food，但係如果我地有帶而冇申報比海關查到就大鍋！好多年前我喺L.A嘅海關比個officer捉到，其實係我自己大意，因為肉類不可入境，咁我就帶個vegetarian口味 嘅杯麵，點知唔記得入面有雞蛋，個officer睇咗包裝上嘅ingredients 話我知有蛋喎，佢打開個杯麵，掉咗包調味料，比返個麵我，又同我講會將我嘅資料輸入電腦，跟住仲問我喼入面仲有冇其他forbidden 嘢...嘩攪到我流汗！所以一定要諗清楚帶咗D乜嘢入境。英美加澳紐出名嚴，有次有個同事入境Sydney比人捉到帶咗條蕉，唔知道係佢忘記入境前要食咗條蕉，定係特登唔申報，最後罰咗AUD120！

美國機場嘅immigration成日都係排長龍，Miami 呢個咁busy 嘅機場就當然唔會例外。嗰度寫明唔可以用電話電子用品，佢唔理，同其他意國人一様！佢話佢又唔係打電話，只係check email , 比佢激死。  Papà 呢種性格去到外地好容易犯法。排隊嗰陣我見人群中大部份人都著住美國牌子嘅T-Shirt ,唔係A&F, Holister，就係Aeropostale，包括我老公在內，好似賣廣告咁。哈哈佢哋梗係覺得去美國一定要著到咁。

第二日我哋join咗個day tour.。原本我哋叫咗部的士，但司機見我哋有兩個細路就問我哋有冇carseat,梗係無啦，無carseat就拒載。我提議不如join tour 算吧！橫掂美國啲接駁酒店同商場嘅shuttle bus 大部份都要比錢。真係好！join tour 細路仔係免費，佢哋眼瞓嘅話都可以比佢哋喺車度瞓，如果我哋自己搭車轉嚟轉去，上上落落都好麻煩，都係join tour方便。

從食物中尋找爸爸

有日見到屋企包方包出現咗呢個樣，以前買都唔覺有，應該係最近先加上去。見到呢個様令我諗起一個人...

有一次保保見到Simpons餅個包裝指住Homer 叫咗一聲papà ，佢唔識The Simpons從來冇睇過

阿仔唔係所有光頭嘅就係你papà!

何苦呢？

上星期六papa 練波嗰陣整親隻左腳，佢返到屋企一落車見佢行路怪怪地就知道佢出事。佢仲話喺最後一分鐘先整親真係唔抵喎，我就話好過你一開始就整親啦因為佢嘅性格就算唔舒服都會照踢到底。
五號嗰日佢哋球隊要去Arezzo 附近參加比賽，如果贏咗六號就踢埋final 。點知今次佢嘅team唔夠人, 因為係學校假期兩個禮拜咁長，好多返office 工嘅人都由聖誕放假到一月六號，即係epiphany。响呢一日又係一家大細喺屋企食嘢，所以有D人會選擇留係屋企享受天倫之樂，有D就去咗滑雪。
Papa話如果佢唔去就只得啱啱好11個人去出賽。但佢隻腳點踢呀？佢話好番D囉喎，跟住有個隊友本來講咗話一齊去，點知比賽前兩日改變主意，原因係同老婆嘈完喎，實情係佢老婆覺得佢應該六號嗰日要留喺屋企過節。papa 覺得呢個隊友唔應該聽老婆話，又話佢當初入咗呢個隊就咗要有D...唉！人哋想點咪點囉，佢哋又唔係professional players, 無錢收，papa其實咁嘅狀態都唔應該去，但係到最後佢同呢位隊友一齊去比賽。
第一場5比1，papa 嗰隊贏咗，第二場亦都係佢哋勝出。佢仲好開心同我講兩場都有入球。見佢返到嚟隻腳冇乜事，點知第日就痛比之前更加腫。佢去完睇醫生先知道原來佢隻小腿傷得好serious,又話可能要做手術，不過暫時做住物理治療兩個月先睇睇情況。

蜜臘脫毛? Ouch!

小毛毛見到papa塊大膠布佢又話自己隻腳整親喎，又想要一塊膠布

Papa塊粉紅色膠布貼咗一日就可從除，不過嚟緊嘅日子要貼好多電線做機，所以物理治療師叫佢不如shave全小腿嘅毛。papa本身係一個毛人，腳毛又密又長，要剪短先可以shave!

（以下圖片可能會引起不安）

今日照完超聲波，灰色地方係肌肉，見到黑色嘅部份嗎？好 明 顯 係 肌 肉 撕 裂，唔怪得隻小腿脹咗啦，裡面嘅液體就要靠做機慢慢absorb。聽落都覺得恐怖。