魔術蛋糕

有日見到呢個recipe 叫Magic Custard Cake

個名幾吸引

但見到個蛋糕有三層不同質感

以為一定係要分幾次焗

原來焗一次就有咁嘅效果

材料有大量鮮奶(500g)，牛油，糖，蛋，小量麵粉(110-120g)

咁啱有支快到期嘅鮮奶

做呢個蛋糕就可以清咗佢

想睇下有幾magic 法

打過嘅蛋白因為輕身所以焗完後會浮上面

形成海綿蛋糕或soufflé 嘅口感

中間嗰層係custard

底層係最硬尤其係雪凍後

個texture就似星馬bloggers 形容嘅粿

好多人都話放入雪櫃後好食D

我覺得暖食較好味

雪凍后係會出現三層

但最低嗰層變得硬咗

好似落得太多魚膠粉嘅panna cotta

可能係我整得差

又焗到裂開

大家有冇留意第一幅相

係咪好似一個海綿蛋糕？

切開后就會感受到呢個蛋糕嘅magic

有興趣可以Google 下

網上有大把靚靚圖片

有人做cupcake 有人做朱古力味，班蘭味，加生果

加nuts呀加埋焦糖汁添

我下次想加紅豆喺底

誰是我的親愛？

毛毛有個同學仔叫Valerio
前嗰排我聽到毛毛話" Valerio è cara mia" (Valerio is my dear)
雖然文法唔正確
Cara mia 係陰性用嚟稱呼女仔
不過我聽得明
只係覺得奇怪唔明點解毛毛會咁講
因為佢哋好friend?
因為人講佢又講？
佢得4歲唔通。。。冇咁快掛？

直至前日我考下毛毛識唔識得所有同班同學嘅姓氏
我終於明白了
當我問到Valerio 個姓
毛毛答"cara mia"
吓！有人姓my dear咁有趣？
我即刻check 下張同學名單
原來係Caramia
佢冇讀錯

而保保有一個未來嘅幼稚園同學姓Senzacqua
即係without water
冇水唔得喎。。。

我返工嘅地方有個客人姓 "甜血"
仲有一個叫"好麵包"

對我哋嚟講呢D姓氏比較另類
但其實意大利文有好多古靈精怪姓㗎

企街

佢哋多數會喺某些地點或大街出現

係呀你冇睇錯我冇寫錯

類似Nathan Road 咁長咁busy 嘅街道都可以見到佢哋嘅影踪

唔一定要夜晚

光天化日三十幾度都會見到佢哋

通常係東歐及非洲面孔

有時係一個人坐喺度

坐邊？

有張 B.Y.O 白色 膠櫈㗎

有時係兩三個姊妹一齊

有次我諗夜媽媽佢吔收工點返屋企

又或者點樣可以自己一個去到荒山野嶺

終於有一次我見到有個女仔响部貨van 落車

嗰條路係佢哋出沒嘅地方而且係我哋去沙灘必經之路

我估佢哋係集團式經營

有專車接送佢哋到指定嘅地點

每年夏天我吔去海灘經過嗰條路都會見到好幾個黑人

分散喺幾個"地盤"

呢段路周圍乜都冇只有樹同植物

至於大街嗰D夜晚會見到佢哋喺油站或賣食物嘅food truck 附近

可能呢D地方有多D燈光或者有多D安全感

我記得毛毛未出世嗰陣有次我哋開車經過見到佢哋

我心諗弟日如果阿仔問我點解有姐姐夜晚一個人企喺街做乜

我會答佢

等緊巴士囉

麵包癮發作

第一次整腸仔包

我又做copycat 

學人整花花型腸仔包

食譜係用蔥做裝飾

我用咗蕃茄加芫茜

有興趣可以去jessie-cookingmoments.blogspot.com睇睇

我冇用湯種只係跟佢個呑拿魚包嘅材料

做咗六個心型吞拿魚包

及六個腸仔包

以前見到要用湯種嘅食譜係唔會睇落去

因為唔知係乜

椰蓉包係跟Christine's recipes 

原來加咗湯種嘅包真係好食D

都唔會太麻煩

個面咁深色自己攪成咁

因為D蛋汁太多又唔想浪費

用嚟煎蛋又唔夠

但又唔想特登打多幾隻蛋

所以塗得太多

你哋會點處理多餘嘅蛋汁

唔通次次做麵包都要炒蛋去清曬D蛋汁

試過將蛋汁放咗喺雪櫃

點知唔記得用佢嚟煮餸

到第二日開雪櫃先見到

但唔知打開咗嘅蛋overnight 後食唔食得

唔敢比囝囝食

自己因為要餵人奶

所以都係算吧

病態

自從三個星期前無端端將個已經封 幾年嘅麵包機出嚟玩

從此一發不可收拾

見到有人整lemon pull apart bread 

見賣相好yummy

於是又動手

但食譜係用stand mixer 做dough

我只有hand mixer不過有hook attachment 

所以決定唔用麵包機

都知道會麻煩因為要一手按住個bowl

另一隻手渣住個mixer 嚟打dough

嗰日又好熱呀

流汗！攪到手攰又唔知攪得好唔好

算啦起碼個hook attachment 叫做有用過

好香呀！睇相有D乾其實入面好軟

似brioche 

因為已經切好一塊塊先焗

所以食時用手撕就得

加埋cream cheese frosting 仲好味

呢個外面紫色嘅超長loaf tin 終於用得着

下次試下用cinnamon 代替lemon and orange peels

我估應該都OK

呢個椰檳唔好食

可能冇加牛油

食譜嘅coconut filling只用奶糖加椰子

不過意大利人唔好牛油

家人食曬成個

叫我下次都唔洗加牛油

Dried cranberry & yoghurt 排包

毛毛肯食

我就開心

又係吞拿魚包

我煮飯做甜品無presentation 可言

我又唔係food blogger

仲要睇住三條king 

有得食住家麵包佢哋應該開心啦

Papa' 話我更係中咗毒上咗癮

部麵包機原本好好哋沉睡咗幾年

我無啦啦突然要人哋日日開工

真係慘

自從愛上整包後我已經冇整其他甜品

之前見到减價買咗呢兩樣嘢

唔知幾時先會用

Papà 的飛人生活

未轉工前papà 試過連續幾個月不停飛
基本上每星期只有weekend 唔洗飛

新工一樣要飛不過目的地唔同咗
以前多數飛內陸及歐洲
好耐之前就亞洲及乜都有D
以前後生嘛
而家除咗定期去北意及馬來西亞外
其他歐洲國家都唔洗去

因為。。。

Papa'轉戰中東及非洲
主攻沙地阿拉伯，杜拜，黎巴嫩，摩洛哥，毛里求斯，南非等等

可能要去埋印度，巴基斯坦，伊朗

前一排佢去咗阿爾及利亞

Algeria 我知道係非洲國家但exactly 喺邊呢？

原來係摩洛哥嘅鄰居

咁嗰度D人嘅樣係咪似摩洛哥人？
我見意大利嘅摩洛哥人同埃及人有D似
（即係代表我唔識分啦）
又唔係喎係金髪㗎
可能佢哋有法國，北非，阿拉伯血統
混到變成金髮藍眼

今個月大至上都係多數唔喺屋企
上星期一去咗毛里求斯
本來應該係琴日即係星期日去南非
直至今個星期六先返嚟
即是頭尾兩個星期
但幾日前又話要臨時加多轉沙特阿拉伯
本來如果唔去沙特就可以星期六全日自由活動
我仲話咁起碼可以游下水啦
成個海都係你嘅！

反正low season 冇乜遊客
佢話no 喎連唯一一日可以休息嘅日子都落雨
但係因為要去Riyadh 所以佢星期六就離開毛里求斯
仲要上吐下瀉
呢個兩星期長嘅行程就係咁開始：
Rome- Dubai ( 轉機）-Mauritius -Dubai（轉機等6個鐘）- Riyadh（飛55分鐘） - Dubai (轉機）- Johannesburg (再轉機）- Cape Town - Durban - Johannesburg (轉機）- Dubai(再轉機）- 親愛的羅馬
其實本來要去埋Madagascar 但冇直航又唔想坐D舊型小飛機
所以推咗唔洗去！（我初初叫毛毛保保跟papa'去因為佢哋睇過"Madagascar"哈哈講笑咋）

有冇睇到眼花？
想像下幅世界地圖由A點到B點到CDE點
由左到右再向下再向上
計下飛行時間
數下幾多程機
佢唔敢飛某D航空公司而佢要去嘅地方又偏偏咁唔方便
所以佢要去杜拜轉機
不停來來回回去杜拜

我講笑叫佢不如搬去杜拜啦成日要經DUBAI
（講真咁飛法長期下去佢唔掂㗎不如weekend 先返嚟Rome探我哋）
就算而家有時weekend 都未必喺度因為我哋嘅weekend 係休息人哋中東嗰邊唔係weekend 嘛Office 有開㗎
我擔心佢嘅健康多過佢有幾多時間喺度

但我明白佢嘅性格就算攰都要完成工作馬上飛返嚟
咁咪仲辛苦
所以有時佢唔想比佢阿媽知道佢真正嘅行程
怕佢會擔心

前日毛毛學校有活動爸爸冇出席
人哋問我老公去咗邊
我話非洲囉有個mamma話正喎好lucky
另一個問我papa'做機師㗎？
吓？佢飛得多過機師啦
而佢飛嘅pattern 根本係超出咗機組人員嘅合法工作時間
我就話佢似戰地記者多D

琴日毛毛終於問我Papa' 幾時先返嚟

Riyadh, Saudi Arabia 

毛毛四歲生日會

呢個派對毛毛期待咗好耐

去人哋嘅去得多

終於可以輪到佢做主角

唔知由幾時開始流行呢一類型嘅小朋友生日會

場地係一間pizza餐廳

但裡面大部分地方都係一個遊樂場

今次揀呢度因為比較過

都係覺得呢度容易睇住D小朋友

之前去過一個嗰度嘅遊樂場嘅設計

令大人好難可以昅住D細路

另外一個原因係

呢度嘅pizza係超好食

尤其係個皮薄crispy pizza 𥚃面係nutella 上面加小小糖粉

大人細路都鍾意

我哋冇唸過呢D地方嘅pizza都做得咁好

仲以為佢都係求求期期

連平時去親party 都食好少嘢嘅Papa'

竟然比我見到佢狂食pizza

99 食完話好好味如果食唔完就打包

Papa'因為又要飛佢埋完單就提早走人

返到屋企兩兄弟更係爭玩新禮物

我仲以為佢哋一定好攰點知仲精神過平時


我諗年尾可能又返嚟呢度幫保保慶祝3歳生日