26個女人一個虛

舊年毛毛嗰班已經有一個mamma開咗個whatsapp group chat
只係得八個人
一個小圈子
有一日我幾個鐘都冇用過電話
一開機竟然有157個留言
有時我對接龍式嘅conversation 消化唔切
甚至到我睇完明白咗開始打緊字唸緊文法正唔正確嘅時候
條龍尾都唔知去咗邊！
Papa話乜啲女人咁得閒加無聊㗎？我畀佢睇過下得啖笑
有個媽媽為咗某啲原因走咗去同學校嘈又特登過期交學費
去施壓學校又話要寫信去報紙總知如果學校達唔到佢嘅要求就同個仔轉校...
仲有一次呢個媽媽寫完嘢後都冇人接龍
佢就話唉喲冇人回應我你哋唔like我再加個喊嘅表情
好快就有人開始寫幾個字
有一朝早5點幾其中一個媽媽話唔好意思好耐冇出現因為唔見咗個電話...


今年保保嗰班嘅媽咪群組有26位
馬拉松又開始