第三次懷孕

第三次懷孕

由去年夏天開始放產假

所以呢幾個月嚟多咗時間寫下blog

因為以前成日返工(包括weekend )

放完工返到屋企都夜

所以冇乜時間做一個真真正正嘅mamma

到我要每日接送兩個仔返學

買餸煮飯幫小朋友冲涼等等一腳踢

我先開始覺得自己係一個媽媽

呢種感覺以前係冇咁強烈

雖然呢D家務以前都要做

但做在職媽媽始終感受唔到做全職媽媽嘅滋味

因為親子時間多咗變咗更加認識自己嘅子女

不過就係因為冇工返

當自己湊仔湊到攰好想揾個地方避一避都冇

尤其係papà 經常飛嘅日子

曾經有幾個月星期一至五不停飛

密到我都唔記得佢去完邊度或者下一站去邊嘅日子

好難過...

原來做full-time mum係需要驚人嘅耐力

我打算遲D會繼續返工但就係part-time

咁就唔洗冇咗份工可以有小小嘅收入

又可以有時間照顧下家人

暫時都仲得閒整下餅

之前買嘅food colouring 都好少用

情人節就用咗嚟做心型曲奇

第一次玩就愛上咗

小保保阻住我畫圖案

下次要得自己一個先可以安心去玩icing

薯片曲奇

見到奧國王子整鹹味花生餅
令我記起之前喺一個blog見過一個幾有趣嘅recipe
鹹味Pringles 曲奇！
於是今朝等兩隻怪獸返咗學
即刻動手
原來做法非常容易
材料有：牛油，合桃或其他nuts，薯片，糖，芝士粉，麵粉及baking powder
份量及做法請參考
http://lazymamainkitchen.blogspot.com
焗嗰陣聞到好香芝士味
但食落就冇想像中咁好味
我將大部份嘅材料減半
因為我見個recipe 做嘅份量都幾多下
我怕整咗太多又食唔完
可能因為我自己減咗份量
令到D曲奇味道唔夠濃

非常有guts的99 （四）

呢位獨一無二嘅99又再發揮佢嘅狂野本色
佢的確係滿惱子都係ideas
但有時D ideas 可以creative / wild 到令人O咀
重溫一下我記得嘅經歷先
Case 1:
有一次出完城返屋企
99想走shortcut 所以入咗一段唔許可私家車行駛嘅路
原來嗰條短短嘅路係屬於受保護area
因為係古羅馬路又凹凸不平
就算係四驅車都感覺到行得好唔暢順
99話如果有差人來停佢車叫我唔好出聲
佢會解釋因為佢帶咗幾個外國遊客來參觀！！！
我父母聽完都服咗佢
Case 2:
初初小毛毛開始返托兒所
我哋唔慣將車停喺學校門口
因為嗰條路好窄又係dead end
所以一有其他車停咗喺附近就好難先出返到去
尤其99 部車又大
有一次泊咗喺門口送完毛毛入去
一出嚟就見到車尾比人"high " 花
所以通常都會泊遠些
遠D嘅話都係好難搵到位
但就成日都有一個位永遠好少人泊
就係傷人士位
佢就泊咗呢個位
落車前99叫我等等佢攞咗枝筆出嚟
紙就冇求其喺手袋入面揾張溶溶爛爛嘅紙
今次好誠實咁寫話佢去咗托兒所
又係呢招！
佢仲話等佢叫62 print一張似樣D嘅留番下次用
我即刻叫佢千其唔好
咁做即等如你係好有目的咁去違列泊車
Case 3:
呢一單係我聽返嚟
有一年99同幾個girl friends 自駕遊法國南部
全程都係佢做司機
因為佢妹妹冇車牌，佢朋友唔敢揸
另外一個敢揸但99唔想比佢揸
因為佢揸得慢囉
唔記得為乜原因
突然有部警車出現
佢哋仲諗緊發生咩事呢？
原來部警車係要"折"停99
咁啱62响呢個時候打電話比99
99話唔得閒接聽因為有警車追緊佢喎

小毛毛語錄

連續寫咗99幾篇不如今日講吓小毛毛
有一日毛毛問我點解呢間屋（相中入面嘅sex house 磁石） 裏面所有嘅女士都唔著衫？
嗰一刻我食緊飯就咁答佢
哦！天氣熱嘛...佢哋去海灘呀...嗰間屋係BEACH house
塊磁石咁細D裸女咁細粒都比佢睇得咁清楚
反而我從來都冇乜留意
呢個答案佢都buy嘅因為我哋去海灘都會見到有D無上裝嘅女泳客
亦都有小朋友唔著泳衣周圍走
我發覺遇到呢D IQ題最緊要鎮定
好似有一次我哋去papa同事屋企
食食下飯佢吔嘅囡囡突然攞咗一盒dom dom 出嚟
一手放喺佢mamma面前問佢係乜東東
佢mamma即刻搶走盒嘢收埋背"隻"後面
嘩咁突然㗎呢D時候問呢D問題
好容易令人噴飯
佢爸爸好冷靜咁答佢
啊！冇乜特別只係爸爸返工要用嘅嘢之嘛
咁就過咗骨

非常有guts的99 （三）

我第一個反應只會覺得可能比人偷咗

99開始自言自語

"我明明泊咗喺呢度...唔通比人拖走咗？"

嗱嗱嗱

99咁講即代表佢知道佢泊嘅地方係有可能比人拖走

佢仲話明明入咗錢買埋飛泊位

見到附近有個孟加垃人個款應該係成日喺嗰度打dun嗰隻

於是問佢見唔見有人拖車，佢答唔知道

見到警察又問點様知道部車係咪比人拖走咗

最實際就係call 62求救

我哋喺街等咗成兩個鐘

帶住bb都唔知去邊好

附近有個Jewish 區咁我哋就入去食住嘢等62

嘢又食完風又食埋嗰陣係冬天呀

完全冇想像到嗰日去睇醫生都可以變成咁dramatic 

嗰度冇shopping mall只可以喺附近等62

保保喊又肚餓咁咪就地解決餵人奶

62 出現了

醒目嘅佢已經成功查到99 部車嘅下落

咁我哋要去pick up 返部車先可以一齊返屋企

嗰個地方唔知中文叫乜

總之就係一個好大嘅停車場咁

入面嘅車全部都係被拖走，或種種原因而被"扣留"。

原來有好多車响入面

去到當然要辦手續同埋比錢先可以拎返部車啦

比咩錢？拖車費盛惠€160

仲要等收牛肉乾又唔知會係幾多€€

99一見到62就梗係扮innocent 

又話唔知嗰個位唔泊得又話佢仲入埋銀仔買票點解仲要比人拖走部車

唉！都冇人話佢由得佢鍾意點解釋都好

睇嚟62已經見怪不怪

今次99其實係泊咗disable 人士專用位

條線係黃色有大大個輪椅標誌

佢見有位冇人泊(冇人敢泊）咪搏下囉

就算比人抄牌都係62去比錢

如果係車牌扣分就冇人幫到佢

今次嘅事件並無影響99嘅冒險精神

下次再分享

非常有guts的99 （二）

上次就好彩冇比人抄牌

今次就唔止抄牌

嗰日我哋帶一個月大嘅保保出城去醫院睇醫生

因為嗰度係人多車多要搵位真係好難

所以99叫我帶BB 去醫院先而佢就去泊車

好奇怪十零分鐘後99就入到嚟醫院

我問佢你咁快嘅？

佢話已經搵到位喎

我哋喺醫院等咗醫生好耐

不過終於都攪掂喇

點知我們去返99泊車嘅地方冇咗佢部車嘅影縱

待續。。。

非常有guts的99

非常有guts的99

最經典例子之一

深刻到我而家都記得

話說我剛來到意大利無幾耐

有一日99車我去市中心見工

見完工之後佢話要同我去Hard Rock Cafe 食nachos

市中心好難搵位泊車尤其係大車

佢部車仲要係4WD

搵極都搵唔到位我話算數啦下次先去

佢竟然喺市中心違列泊車

嗰個位置唔泊得車

咁攪法想人抄你牌咩？

佢反而好calm咁攞咗張紙出嚟

寫左兩行大大隻嘅字放咗喺擋風玻璃下

意思係部車壞了我去了找人來維修

佢仲同我解釋佢特登將"我去了"寫成"sono andato" 而唔用"sono andata"

意文文法有分陰性陽性，佢專登將自己寫成男性

佢話咁樣會有說服力多D，怕比人知道車主係女人就會令人起疑心

咁99真係係女人而又係真係講大話嘛

我心諗佢當D交通警白痴

入到餐廳例牌要等位

我食得好唔安樂

返到去見無抄牌但99叫我一齊扮嘢聞下部車仲有冇煙味

係咪吹脹？

後來我同62講99帶咗我去硬石食lunch但揾唔到位泊車

佢即時問我99係咪亂咁泊仲攞埋張紙出嚟呢？

哈哈哈

唔係第一次亦唔會係最後一次

嗰陣我開始覺得我99呢個人都幾...我都唔識型容

其實未見過我99之前我老公已經同我講佢阿媽嘅性格幾crazy

大家唔好學呀！

下次我會分享另一個例子