新成員

前曰sister-in-law嘅小公主出世喇
佢叫朱莉亞身長50cm重3.150kg
其實唔算細粒啦
不過佢嘅父母本身都係高大型
佢爸爸嘅家族專出產巨嬰
所以個個都估朱莉亞應該會係一個巨B
佢媽咪懷孕後期嗰段時間曾經出現血壓高，羊水不足及BB嘅成長速度比較慢嘅情況,所以佢同99都好緊張。
但係到BB出世嗰刻見到囡囡健健康康
終於鬆一口氣
琴日我哋帶埋毛毛同保保去探BB
我哋喺房度坐咗陣然後去食lunch
始終間房咁細同埋D暖氣好勁好熱雖然有露台
但冇理由一次過成10個人堆埋一間房
食完上返去喺走廊再坐下
好彩嗰度有幾張梳化
老爺就一直坐喺度睇報紙...
6299同佢哋嘅親家已經連續兩日由早到晚响醫院打"dun"
62 除咗去房望下BB之外可以做乜呢？
唯有坐喺梳化等99話要返屋企就載佢離開
我都知papa嘅妹同妹夫好攰
我哋去探訪嘅短短時間內我已經數過連埋我哋自己人
已經超過20幾個訪客
親戚朋友同事一家大細...
其間仲有醫生護士出出入入
不過係咁㗎喇
冇得真正休息
出院返到屋企又係成日電話響
可能醫院嘅員工下次見到我哋呢班人都怕怕
因為好快我就會喺呢間醫院出現！